मोडल गरिमा शर्माले खुलाइन् आफ्नो स्कुले प्रेम: को हुन् ती भाग्यमानी युवक?

लामो समयको कौतुहलता मेटाउँदै चर्चित मोडल तथा अभिनेत्री गरिमा शर्माले अन्ततः आफ्नो प्रेम सम्बन्धलाई आधिकारिकता दिएकी छन्। गत साता 'प्रमिस रिङ' सहितको तस्बिर सार्वजनिक गरेर फ्यानहरूलाई सरप्राइज दिएकी गरिमाले अहिले भने आफ्ना प्रेमीको अनुहार नै देखाएकी हुन्।

विद्यालयदेखिकै सहयात्रा गरिमाले इन्स्टाग्राममा प्रेमीसँगका केही पुराना र नयाँ तस्बिरहरू सेयर गर्दै लेखेकी छन्, "हामी त्यतिबेला भर्खरका केटाकेटी थियौँ, अहिले भने यो सम्बन्धलाई वास्तविक मोड दिँदैछौँ।" उनको यो क्याप्सनबाट के स्पष्ट हुन्छ भने उनीहरूको प्रेम कुनै नयाँ कुरा नभएर स्कुल देखिकै गहिरो मित्रताको परिणाम हो।

को हुन् गरिमाका प्रेमी? गरिमाले पोस्टमा प्रेमीको नाम लुकाउन खोजे पनि शुभचिन्तकहरूको कमेन्ट र चर्चाका अनुसार उनी अञ्जन पौडेल हुन्। यी दुवैको पृष्ठभूमि चितवनसँग जोडिएको छ। चितवनको रत्ननगरस्थित स्काईराइडर कलेजमा सँगै पढेका उनीहरूमध्ये अञ्जन टाँडीका बासिन्दा हुन् भने गरिमा भरतपुरकी हुन्।

टाढाको दुरी, नजिकको मन म्युजिक भिडियोबाट आफ्नो करियर सुरु गरी अहिले फिल्म क्षेत्रमा समेत जम्दै गरेकी गरिमा नेपालमा छिन् भने अञ्जन हाल अध्ययन र रोजगारीको सिलसिलामा अस्ट्रेलियामा छन्। लामो समयदेखि 'लङ डिस्टेन्स रिलेसनसिप'मा रहेको यो जोडीलाई अहिले सामाजिक सञ्जालमा बधाईको ओइरो लागिरहेको छ।